অউগিল সিরজন রেনাঃ কৗহনি সান্তাল জাতি রেনা পাহিল কাথা
সিরজন রেনাঃ এহতব রেদ তাঁহে কানা সরগ, পুরি, মঞ্চ পুরি, ধারতি পুরি, আর পাতাল পুরি। ধারতি পুরি রেদ দাঃ দ একাল গে বাং তাঁহে কান তাঁহে। উনরে অনা দাঃ দ তাঁহে কানা পাতালরে। সরগ পুরি রেদ ঠাকুর সে উনি বাবা ইশ্বরাঃ আয়ুর তে দেব-দেবালো কক তাঁহেন তাঁহে্দ। বাড়ায় রে তাঁহেনমা উনি ঠাকুর সে বাবা ঈশ্বর গে হুয়ুঃ কানায়- সিসিরজীওয়িজ দ। সরগ পুরি রে ঠাকুর দ মাঝি আর গডেৎ লেকা ভেদ তাঁহে কানায় লিটী নুতুমানিচ মিৎটাং বঁগা। তায়ম দারাম উনিগে মানমি ক কঠেন দ মারাং বুরু লেকাতেয় ঠৗওকৗ আকানা। আর নওয়াই বাড়ায় রে তাঁহেন মা—উনিদ মানমি ক কওয়িচ মারাং গুরু হঁ কানায়। সরগ পুরি রেক তাঁহেন উনকু দেব-দেবালো কওয়াঃ মিটাং মুজলিস্ আখড়া তাঁহে কান তাকওয়া। অনা দক মেতাঃ তাঁহে “চাওরিয়ও মেলা”। অনা চাওরিয়ী মেলা রে দুডুব কাতে উনরে সানাম দেব-দেবালো ক নানা হুনীরাঃ কক গাল গটায় তাঁহেৎ। অনা চাওরিয়ী মেলা দ উনি লিটী বেগর একালগে বাং জমকাঃ তাঁহেৎ। উনি বাং-এ তাঁহে লেনরেদ ঝতম কগে হায়তা হুয়তু ক আয়কৗও তাহেৎ। অনকাগে মিৎ দিন দ উনকু দেব দেবালো ক সরগপুরি বেগর আর এটাঃ জাহারে অকত খাঁড়াও লৗগিৎতে নাওয়ানাঃ মিটাং ঠাও চিয়োয় রেনাঃ কাথা অনা মুজলিস আখড়া রেক রাকাব কেদ-আ। চেদাঃ সে উনরে উনকু কদ অনা সরগ পুরিরে তাঁহে তাঁহে তেক অড়িস চাবাঃ কান তাঁহেৎ। অনা খাতিরগে উনকু সানাম কতেগে অনা নাওয়া ঠাঁও চিয়োয় রেনাঃ আঁগিভার দ উনরে উনি লিটী গসাই গো দক গঃ আদেয়া। অনাতে পান্তে পান্তেতে উনি লিটী গসাই ই উনরে সরগ পুরি বেগর আর মিটাং নাওয়া ঠাঁও এ্য পান্তে ঞাম কেৎ-আ, আর অনা দ হুয়ুঃ কানা ধারতি এতুমানাঃ মিটাং পুরি। যাঁহাদ অক্ত খাঁডও লেকানাঃ অনে নাপায় ঠাঁও ই অনাদ কানা।
সরগ পুরি রেন সানাম উনকু দেব-দেবালো কদ অক্ত জীনিচ অনা লিটীয় চিয়ৗলেৎ কানা ধীরতি এতুমানাঃ পুরি রে দাঁড়ান লাগিৎ তেক আঁড়গো হিজুঃ তাঁহেৎ। উন অক্ত অগিল সিরজন অনা ধীরতি পুরি রেদ চেলে জিব-জিয়ৗলি হঁ গে বাং ক তাঁহে কানা। মেনেৎ দ জিওয়ী মেনাঃ আন নংকানাঃ দ চেদ্ ই গে অঁডেদ বাং তাঁহে কানা। জিওয়ী গে বানুঃ আন একাল মীরুড় আকান ধীরতি পুরি। দাঃ মা একাল গে বাং তাঁহে কানা। উনরে উনকু সরগ পুরি রেন দেব-দেবালো ক লেকাগে সরগ পুরি রেক তাঁহেন উনকু কপিল গই কই অক্ত জীনিচ অনা ধীরতি পুরি রে দাড়ান লৗগিৎতেক আঁড়গো হিজুঃ তাঁহেৎ। অক্ত জানিচ উনকু কই অনা ধীরতি পুরিরে গটা পিগৗও অচুর বাড়া কাতে আর সরগ পুরি তেগে ক রাকাব চালাঃ তাঁহেৎ। উনকু কৗপিল গাই কদ রুওয়ৗড় চালাওয়ঃ তেক বিলম্ লেনখান আক করেন হপ কলৗগিৎতে উনরে পানহাও দহ কাঃ ক তওয়া দ অনে অক্ত পারম লেন রেদ আকওয়াঃ থালেন খনাঃ অনাদ রহড় অত রে জরঃ তাক তাঁহে। ধারতি রে অকা করে উনকু কওয়াঃ তওয়া জ-র কঃ আ, অনা করেনাঃ অত্ হাসা দ উনরে আদ লৗবি কঃ তাঁহেৎ, মিৎ দিনঃ দ অনকা গে ঠাকুর ঠীকরন তৗকিন ই ধারতি পুরি রে দাঁড়ান কান কিন অক্ত টাটকাগে উনি ঠাকুরাঃ বারসি হাপা দ ধীরতি রেনাঃ মিঠেন অনে লৗবিৎ আকান অনকান অৎ হাঁসা রে গৗডয়ও উগুর এনা। উনরে ধীরতি রেনাঃ লৗবি আকান অনা হাসা এেল অনুমান কাতে বীরসি হাপাতে হুটকুজ রাকাব কাতে চেৎ উইহীর কাতেচ ঠাকুর দ লেজং তে নাপায় অকজ বারয়া গুড়গু লেকানাঃ এ তেয়ার কেৎ-আ। আর অনা দ নওয়া হতেৎ তেয় তেয়ার লেৎ-আ– নওয়া লাহারে লিটী সায় মিৎ দিনঃ ঠাকুর ঠেনে নেহর লেৎ-কানা, “ঠীকুর ধারতি রে আবন কক মানাও গুনীও বন-মা অনা লাগিৎ ক মানমি তেয়ার কমসে প্রভু।” অনে অনা লিটৗ আঃ কাথা গে উইহীর দিসৗ কাতে পালেন চ ঠাকুর দ উনরে অনাকিন বেনাও লেৎ কানা । মেনখান উইহীর ভাবিত কাতেই উনরে উনিদ জায় বেনাও কেৎ আ অনাকিন রেমা তি-জাগাগে বানু আন দ। তি বানুঃ জাঁগা বানুঃ একাল অনা দ লেপেটের গে । উনরে লিটী গঁসাই হেজ কাতে ঠৗকুরে মেতায় কানা—, “প্রভু নুকিনমা তি-জাগা বানুঃ তৗকিন দ। তি জাগা বেনাও অকিন খান বাং নাপায় কঃ আ ?” উনরে ঠাকুর আদ তি-জাগায় বেনাও আতৗকিনাঃ। মেনখান বেনাও সোত কাতে হ জিউয়ী দ উন ধাবিজ হ বাং এ এমাৎ কিন তাঁহেৎ। জিউয়ী বানুঃ আন তৗকিন উনকিন বেনাও পুতড়ৗ কিন দ সরগ পুরি রেনি উনি সিঞ সাদম্ দ চেদ্ মনে কাতে চ মি দিনঃ ঞ লেবে রীপুদ কে কিনা । লিটী গসাই উনরেয় নেল কিন দ উনকিন ঠাকুর এ বেনাও লেদ কিন পুতড়ো কিন মা রৗপুদ আকানা। খান লিটী হ উনকিন রৗপু আকান কিন পুতড়ৗ কিনাঃ তি-জাগা, হড়ম ক হালাং জাওরা কাতে মীর দহড়া লেকাতে লাঠা মিদ কাতে আর অডে গে অনাদয় দহ হট কাৎ তৗকিনা। নংকা কাতে উনকিন হাসা রেন বেনাও পুতড়ৗ কিনাঃ হড়ম দ অনে বারসায় তুরুয় ধাও রৗপু আর জড়াও লেন তাঁহেৎ কানা। অনা তায়ম লিটৗ সায়াঃ নেহরতে উনি বাবা ঈশ্বরগে উনকিন দ জিউয়ীয় দান-আৎ কিন তাহেঁৎ কানা। উন উনকিনগে অনে অগিল সিরজন রেদ নিগুড়িয়ৗ নিমুড়িয়ৗ মেনতেৎ কিন ছটিয়ৗর এম লেনা। তায়ম দারাম দ উনকিনগে অনে দে বংশ আর জদু বংশ লেকাতে উরুম এম লেনাকিন। যাহারে দাঃ বনুঃআ অঁডে দ জিউয়ী হ বাং ফারচাঃআ, আরজাও হ হাপিৎ রে তাঁহেনা । অনাতে অগিল সিরজন ধৗরতি পুরি রেদ জমাঃ এওয়াঃ তেনাদ চেহঁ গে বাং তাঁহে কানা । অনা খাতির উনকিন নিগুড়িয়া নিমুড়িয়ৗ কিন বাঞ্চাও দহকিন লাগিৎ তে লিটী গঁসাই দ অনা সরগ পুরিতে উনকিনাঃ জমাঃ ঞওয়াঃ অগুই লৗগিৎ দিনৗমগেয় চালাঃ তাহেঁৎ, উনকিন বৗগি হট কাতে । চেদাঃসে বাবা ঈশ্বর দ উনকিনাঃ হড়মরে জিউয়ী সলং কাতেগে উনকিন হারা বুরু কিনলৗগিৎ তেদ উনি লিটী গঁসাই গে অগিভার দয় গঃ আদে তাহেঁৎ। লিটৗহ উনখনগে মনে জিউয়ী কেটে উরিজ কাতে উনকিন হারা বুরুকিন লাগিৎ এ্য ছুটৗও এনা। সরগ পুরিতে উনকিঃ জমাঃ ঞওয়াঃ অগু লৗগিৎ চালাওয়ঃ ফাঁকরে জাহান চিলি ক উনকিন দ আলক বৗড়িচ দাড়ে আকিন মা, অনা লাগিৎ লিটৗ এঁসাই দ ঠাকুর ঠেন নেহর কাতে সিঞ সেতা আর লৗগরু সেতা মেনতে উনরে বারয়া সেতায় বেনাও হচ লেদেয়া। উনকিন সেতা দ লিটী বাং তাঁহেন অক্ত নিগুড়িয়া নিমুড়িয়ৗ কি কি হরহ কৗকিন তাঁহেৎ।
লিটীই দিনৗমগে আদ সরগ পুরিতে উনকিনাঃ জমাঃ ঞওয়াঃ অগুয় লাগিৎ চালাঃ হিজুঃ তেগে আদয় লাগা চাবায়েনা। উনরে লিটৗ গসাই অডি গান উয়হীর অৗচুর বাড়া কাতে সরগ্ম পুরিরেন উনকু বগা বুরুক সাঁও গালমারাও কাতেয় গটা কেৎ-আ যে, মৗরুড় আকান ধীরতি পুরিরে দাঃ সেতে হচ লেখান অডি গে নাপায় কঃআ পালেন। আর ধীরতি পুরিরে দাঃ সেতে হচ লেখান – মানাওয়া জিওয়ী বাঞ্চাও দহ হঁ অডিগে সহলে কঃ-আ। ধীরতি পুরিরে দাঃ সেতে হচ রেনাঃ কাথা উইহীর এ্যাম কাতেগে লিটী উনরে সরগ পুরিরেন সানাম বঁগা বুরু ক আদয় সাঁও কে কতে ধীরতি পুরিতে কুঁঞ তাড়াও লৗগিৎ কৗখুওয়ৗ কুডি সাব কাতেৎ আদয় সেটেরেনা। উনরে সরগ পুরি রেন সানাম বঁগা বুরু কগে অনে ঠৗকুর ঠেন খন কুলি উধীর তালাতেক বাড়ায় এ্যাম কেৎ-আ যে গেল বার চীটি তে সাজাও আকান ধীরতি পুরি লাতাররে মেনাঃ আন পাতাল পুরি রে দাঃ দ মেনাঃ আকাৎ-আ। ধীরতিপুরিরেয়াঃ চাটি-কদ যে লেকা সাজাও আকানা অনা কদ হুয়ু কানা— হাসা, কল্লা, লাঠে ধিরি, পোঁড হাসা, জাটাং হাসা, পাক হাসা, পোঁড ধিরি, হেঁদে ধিরি, তাঁবা ধিরি, কাঁসা ধিরি, পিতল ধিরি আর মেড়হেৎ ধিরি। আর অনা ক গেলবার চৗটি তাড়াও পারম লো গে পাতাল রেনাঃ দাঃ দ সেতে রাকাবঃ-আ ।
বাবা ঈশ্বর ঠেন খন বাড়ায় এম কাতেগে অনে পাতাল রেনাঃ দাঃ সেতে রাকাব হচয় লাগিৎ সানাম বঁগা বুরু কতে দমে উনরে আ-দ তাড়াও ক ছুটৗও এনা । মেনখান গেলমিৎ চৗটি হীবি তাড়াও ইদি কাতেগে উনকুদ অডি গান রিকৗ কাতেই গেলবার চৗটি অনা মেড়হে চাটানি দ একাল আদ বাংগেক তাড়াও পারম দাড়েয়াৎ- আ। খানগে অনাতে উনরে উনকুদ আদ সরগ পুরীরে তাহেঁ কানে উনি ‘গজ মতি হাতি হহ অগু কাতে, অনে ঠাকুর ঠেন খনক কয় আঁগুলেৎ কান্ বীরসি হাপা বিৎ কাতে অনা চেতানরে উনি ঠিগু হচ কাতে জোর তেক লেবে ডুবুজ হচ্ গদ কাদেয়া। এনখানগে অনা বীরসি হাপা মা অনা গেলবার চাঁটি দ আদয় হুটীস পারম গৎ কাৎ-আ। বারসি হাপা হুটৗস পারমেন রেগে পাতালরে তাঁহে কান দাঃ হঁ আদ ভুড় ভুড়ীও কাতে বুড়কু রাকাব এনা । উনরে পাতালরেনাঃ দাঃ জতম বুড়কুঞ রাকাব কাতে ধারতিপুরি-মা গটায় উনুম এসেদ গৎ কাৎ-আ। গটা ধীরতিপুরি দাঃ তে জলকার চাবায়েনা । নিগুড়িয়ৗ নিমুড়িয়ৗ কিন ই উনরে চেতান দিশম সেৎ অতু চালাও কাতে মিটাং ঢি রেকিন ঢাং এনা। সি সেতা আর লৗগরু সেতা কিন দ লিটী গঁসাই মঞ্চ পুরী সেৎ এ হুল্লৗ রাকাব কাৎ কিনা; আর উনকিন দ নিতঃ হাবিজ ই অনা মঞ্চ পুরি রেগে কিন অচুর বিহুরঃ কানা। ধীরতি পুরি জলকার এন সাঁও সাঁওতে উনদ পুরি কই আদ এটাঃ লেকা সাজাও এনা । উনদ সাজাও এনা সরগ পুরি, মঞ্চ পুরি, জলা পুরি আর লাতার উতৗর রেদ পাতাল পুরী । ধীরতি পুরি জিলৗৎ এনা উনদ পাতাল পুরি সাঁও। নঃ- অনংকা কাতেগে অগিল সিরজন ধীরতি পুরিদ উনরে ধাসাও আৎ লেন তাহেৎ কানা।
Source – জাহের বঙ্গা সান্তাড় ক
Leave a Reply