খেরওয়াল হড় ক বাস্তু ভিট ক থাপন কেৎ অক্ত রেনাঃ নেয়াম নেমাচার ক –
খেরওয়াল হড় কক বোড বোরকেৎ এন রেদ গহির বির গাজাড় রে অনে খাড় মাঃ ফারচা কাতে বাস্তু ভিটী আদক থাপন কেৎ আ । উনরে উনি লিটৗ সায়াঃ দিশ হুদিশ তেগে উনকুদ মিমি লেকানাঃ নেয়াম নেচার ক তালাতে অনা ঠাঁও কদ ক আঁচাও কে আ।
নেয়াম নেমাচাব — নাপায় অকচ খাড় কক মাঃ ফারচা কে আ। মিটাং সৗগুন আনাঃ মহিত রেনাঃ অয়ুব সুমুংরে মারাং বুরু, জাহের এরা আর মড়ে ক তুরুর ক একুতুম তে দাঁড়েক হবর কাতে অনা ঠাঁও তেক সেটের এনা। মিটাং সৗন সুপৗড়ি, অনা সাঁওতে মিদটাং নাওয়া হাটাঃ রে বঁগা সামান (সুনুম সিঁদুর, মিথি, গুরি ঢেলাক, হলং গুডৗ, কৗপি, আদওয়া চাওলে, ধূপ-ধুড়ৗ এমান ক) কক ইদি তরা কে আ। গটা আকাক ঠাঁও রে সেটের কাতে মিৎঠেন কুনৗমি চাঁদো লেকা ক গুরিচ কেৎ আ। দাঃতে পেরেচ সৗগুন সুপৗড়ি ক দড়ম্ কেৎ আ। পুব সেৎ সামাং কাতে সৗগুন সুপৗড়ি সোর রে হলং গুডিয়তে পেয়া খড় ক তেয়ার কে আ। খড ক তালারে আদওয়া চাও লে ক চুরুজ কে আ। মিথি গুডৗ অনে খড় চেতান রেক এর কেৎ আ । আর মিদটাং সুলতৗ সেঁগেল হক জুল কেৎ আ । অনা তায়ম আদ সুনু সিঁদুর ক আঁড়গো কে আ। লাহা দ সিঞ বঁগা (ধরম) এতুম কাতে সৗগুন সুপৗড়িরে পে টিডৗঃ, অনা তায়ম মিৎ থার তে তেয়ার আকান খড করে পে টিডৗঃ কাতে (মারাং বুরু, জাহের এরা আর মড়েক তুরুই ক)।
উন অক্ত সানাম কতে আদ ক বাঁখেড় কেৎ আ ——–
“জহার ‘সাই সিঞ বঁগা বারাং বারাং
মা এনখান আমদ জৗটি লেকাম আটেৎ আকান………..,
সর মঞ্চ ধরতি পাতাল গটা আমগেম ডাবাও আকাৎ…..,
মা এনখান গঁসাই সৗগুন ঠিলি দাঃ দড়াম কাতে
মারাংবুরু, জাহের এরা………….
মড়েক তুরুইকসৗখী দহ কাতে,
থৗমিত লৗগিৎ অত্ হাসালে সার এৎ সৗনয়েৎ কান
মা এনখান আপে কগে অনাদ আঁচাও কাতে
নাওয়া ঠাও রেনাঃ বুগি বৗড়ি কদ উদুঃ আলেপে বাড়ে
মা সাই এনখান নায় কঃ নাপায় কঃমা বাড়ে……………….
অনা তায়ম ইদিয়াকাৎ কক সানাম দাঁড়ে ক আদ মিমিৎ গটাং ড় ক সঝেরে (অকয়াঃ অকা খড়, উনি তুম অনিচু দাঁড়ে) আল ক তিয়ুঃ দাড়েয়াঃ মা অনকা লেকা বাবের তেক তল্ চৗডয়ৗও হট কাৎ কওয়া। অনা হিলঃ লেকা তেদ অনকা কমি কাতে গে আদ উনকু দাঁড়ে ক খ রে বাং অতি কাতে গে মিস্ দিৗ লৗগিৎ অনা ঠাঁও রেক বৗগি হট আকওয়া। দশার হিলঃ আরহঁ সানাম ক হেজ সেটের কাতে অনা ঠাঁও ঞেল কাতে আদক আঁচাও আ । সৗন ঠিলি দাঃ আঁজেৎ আকান রেদ একাল গে অনা ঠাঁও দ বাং সৗগুনান মেনতে ক আঁচাওয়া যে, হাপেন দিনরে অঁডেদ দাঃ করেনাঃ অডি তেৎ আনাট দাড়েয়াঃ- আ, এমান তেয়াঃ । খড় ক সাঁওতে সাজাও লেক বঁগা থান ক তারাল বাসাল লেনখান অনাহঁ বাংসৗগুনান গেক মনেয়া। দাঁড়ে কক আ লেন রেহঁ, অনাহঁ বাড়ি আন সে বাং বুগিয়ান মেন্তে গেক আঁচাও-আ। আর অনে সানামাঃ নাপায় গেয়া মেনতে ক আঁচাও কে খান, অনা সেতাঃ তরা রেগে আদ উনকু দাঁড়ে ক খুঁড় রে অতি কাতে বঁগাবুরু কৗমি কদ ক সাত কেৎ আ। নঃ অয় নংকা কৗমি ক তালা তেগে সানাম খেরওয়াল হড় ক খাড় মাঃ ফারচা কাতে বাস্তু ভিটী আ ক থাপন কে আ। খেরওয়াল জৗতি হড় কওয়াঃ বাস্তুভিটা থাপন বাখরা দে নওয়াগে আকওয়াঃ ধরম নেমাচার দ কানা। জাঁহারে মৗনমি একাল গে বনুঃ আন কওয়া, অঁড়ে নাওয়া লেকাতে বাসা ডেরা অনে থামিদঃ লৗগিক গটা লেৎ কান, নওয়া দ উন অক্ত রেনাঃ কৗমি। মেনখান লিটী সায় আরহঁয় লৗই তরা আদ-আ, হাপেন দিনরে জাঁহা তিসঃ গীমিআকান আতো ভিতরি রেহঁ নাওয়া লেকাতে বাস্তু ভিটৗ মি ঠেন গটায় লৗগিৎ তেদ অনকাগে বঁগা সামান ক সাঁওতে দাঁড়ে ক ইদি কাতে আয়ুব তরা রেগে কৗমি তেৎ দ অঁডে উদগেল হুয়ুঃ আ । মিৎ দিৗ আঁড়েদ সুলতৗ সেঁগেল জু আর ধূপ ধুড়ৗ আতার আঁগা হুয়ুঃ আ । অনা তায়াম সেতাঃ অনে বেড়া রাকাবঃ সাঁও সাঁওতে বঁগা বুরু কৗমি দ সীত হুয়ুঃ আ । নংকা নেয়াম নেমাচার তালাতে কৗমি চিকৗড় লেন-না, অনা আতোরে সে অনা অড়াঃ রে হাপেনঃ সৗগুন দ জিয়ৗড়ঃআ ।
Source – জাহের বঙ্গা সান্তাড় ক
Leave a Reply